News News

Back

work is underway to increase the contribution of our country's salt production to the country's development

በዘርፉ እየተስተዋለ ያለውን ችግር በመፍታትና የጨው ምርት ለሀገር ዕድገት ያለውን ፋይዳ በመረዳት ለአምራች ኢንዱስትሪ ዘርፉና ለማህበረሰቡ የሚሰጠውን ጥቅም ለማሻሻል ታስቦ በተዘጋጀ የምክክር መድረክ ላይ የንግድና ኢንዱስትሪ ሚኒስትሩ አቶ መላኩ አለበል እንደገለፁት ጨው ለኢንደስትሪያላይዜሽን ያለው ኢኮኖሚያዊ ፋይዳ ከፍተኛ በመሆኑ በዘርፉ የተፈጠረውን አላስፈላጊ የእሴት ሰንሰለትና ህገ-ወጥ አሰራር በማስወገድ ተፈጥሯዊ ፀጋችንን በአግባቡ መጠቀም ከቻልን የብልፅግናችን እሴትና ከድህነት መውጫ መንሰላል በአግባ ካልተጠቀምንበት ደግሞ የኢኮኖሚ ውድቀታችን መነሻ እንደሚሆን ገልፀዋል፡፡

ሀገራችን ኢትዮጵያ 58.4 ቢሊዬን መትሪክ ቶን ተፈጥሯዊ የጨው ምርት አላት ያሉት ሚኒስትሩ ተፈጥሮ የቸረችንን ሀብት በአግባቡ በመምራት መጠቀም ባለመቻላችን ለኢንደስትሪ እድገታችን ማነቆ እየሆነ መምጣቱን ጠቅሰው የአምራች ኢንዱስትሪ ዘርፉን እድገት ለማፋጠንና ከድህነት ለመውጣት ተፈጥሯዊ ፀጋችንን በአግባቡ መጠቀምና ለቆዳ፣ አልባሳትና ጨርቃጨርቅ፣ ለአግሮ ፕሮሰሲንግ እና ሌሎችም ጨውን በግብዓትነት ለሚጠቀሙ አምራች ኢንዱስትሪ ዘርፎች የተሻለና ጥራቱን የጠበቀ የጨው ምርት እንዲቀርብ በማድረግ ለሀገር ኢኮኖሚ እድገቱ መፋጠን በትጋት መስራት ይጠበቅብናል ብለዋል፡፡

አቶ መላኩ እንዳሉት ኢንደስትሪያሊስቶች፣ ጨው አምራጭቾች፣ የክልልና የፌደራል የመንግስት አካላት በቅንጅት በመስራት ዘርፉ ከምርት ጀምሮ እስከ መጨረሻ ተጠቃሚው ድረስ ያለውን ህገ-ወጥ አሰራር በማስወገድ በመጠን፣ በጥራት፣ በዋጋና በስርጭት ተደራሽነት ላይ እየደረሰ ያለውን አሉታዊ ተፅዕኖ በማስወገድ ለኢኮኖሚው የሚያበረክተውን ድርሻ ማሳደግ ይቻላል፡፡

የሀገሪቱ 90% የጨው ምርት አፋር ክልል እንደሚገኝ የተገለፀ ሲሆን ለምግብነት የሚውለውን ጨው ሙሉ በሙሉ አዮዳይዝድ በማድረግ በሰው ልጆች ላይ የሚፈጠረውን የጤና ችግር በማስቀረት አምራች ትውልድ መፍጠር ያስፈልጋል ተብሏል፡፡

በሀገር ደረጃ ጨውን አዮዳይዝድ አድርገው ለምግብነት እንድያቀርቡ በኢትዮጵያ ተስማሚነትና ምዘና ኤጄንሲ ፈቃድ የተሰጣቸውና እየሠሩ ያሉ ድርጅቶች 5 መሆናቸው የተገለፀ ሲሆን

ያልታጠበ እና በአዮዲን ያልበጸገ ጨውን በአዮዲን የበለጸገ አስመስሎ (በአዮዲን የበለጸገ በሚል ማሸጊያ ተጠቅሞ) ለምግብነት እንዲውል ለገበያ እየቀረበ ስለመሆኑ በውይይቱ የተጠቆመ ሲሆን ተጠቃሚው ምርትን በሚገዛበት ጊዜ የተመረተበትን ፋብሪካና የመጠቀሚያ ጊዜ ማብቂያ በትክክል አይቶ መግዛትና መጠቀም ይጠበቅበታል፡፡

በውይይቱ ላይ ሁለት ጥናታዊ ፅሁፎች ቀርበው ሰፊ ውይይት የተደረገባቸው ሲሆን በተከታታይነት ከሚመለከታቸው የህብረተሰብ ክፍሎች ጋር ውይይት ተደርጎባቸው በሚገኙ ፍሬ ሀሳቦች ዳብረው ለፖሊሲ ግብዓትነት ጥቅም ላይ እንደሚውሉ ተገልጿል፡፡



No comments yet. Be the first.

News Archive News Archive

— 20 Items per Page
Showing 1 - 20 of 54 results.